MAC ATTACK !! - MY TOP 5 MAC LIPSTICKS

أفضل 5 أرواج من ماك من وجهة نظري

 

 

 

أحب أرواج ماك ..دايما ألوانهم مميزة و صعب تحصلونهم في ماركات ثانيه .. غير أن طبعا ألوانهم ثابتة و أنا شخصيا أفضل ( المات) اللي بدون لمعه .. يعطي لوك راقي و اللون يكون جدا ثابت لأن يكون جاف بدون أي ترطيب .. لهذا السبب لازم أرطب شفايفي قبل وضع المكياج ..على فكرة أنا بشرتي حنطية ( قمحية) فالألوان المفضلة عندي ممكن ما تكون الأفضل للي بشرتهم فاتحة  .. و خلينا نبدأمن رقم 5 إلى رقم 1 (الأكثر تفضيلا)

اللون المفضل عندي رقم 5 هو MEHR  و هو مات  و لونه روزي هادي يناسب الدوام أو الطلعات الصباحية .. 

 

 

رقم 4 هو KINDA SEXY .. لون نوود أو لحمي كما يسميه البعض .. مناسب للبشرة الحنطية أو أي لون  بشرة .. حلو مع السموكي آي أو لما تكونين حاطة مكياج ثقيل للعين ..

 

رقم 3 هو FLAT OUT FABULOUS  درجة من البنفسجي على فوشيا ..لون رائع و حلو لما تكونين لابسة لبس أصفر يعطي تباين و لوك جذاب

 

 

 

رقم 2  CANDY YUM YUM  لون وردي فاقع .. لون مرح ..يناسب أي لون بشرة .. هذا اللون كان ليمتد من ماك بس بعد الإقبال الشديد عليه نزلوه دائم ..اعتبري نفسك محظوظة إذا لقيتيه لأن من كثر الإقبال عليه دايما مخلص من عندهم!

 

 



 

 

رقم 1 RUBY WOO  لون أحمر محايد .. يناسب جميع درجات البشرة.. حلو مع المكياج الثقيل أو الخفيف للعين .. تحسين أنه مبيض للأسنان لأن يظهر الأسنان أفتح مما هي عليه !!  لون أكثر من رائع وyou can't go wrong with it !